Ciyaaryahan Soomaali ah oo soo hooyey guul wanaagsanXaga tartanka ciyaaraha feerka oo lagu qabtey Denmark(Daawo Muuqaal+Warbixin)

Friday, February 22, 20130 comments



Ciyaaryahan Soomaali ah oo ku nool dalka Denmark ayaa waxaa la sheegay inuu ka soo hooyey guul wanaagsan tartan ciyaar feer ah oo lagu qabtey magaalada Herning ee dalkaas Denmark ka dib markii uu ciyaartoogaasi si dhaqso ah uu uga guuleystey ninkii ka soo horjeeday.

Ciyaaryahanka Soomaaliga ah oo lagu magacaabo Ismaaciil Tooxoow oo 22 sano jir ah kuna nool dalkaas Denmarka ayaa waxaa la sheegay inuu si cajiib ah oo dhib yar oo ku garaacay oo uuna dhulka ku dhigay ka dib markii uu la helay feer culus ninkii ka soo horjeeday oo lagu magacaabo Hawrae Ketabi, Ciyaaryahanka Ismaaciil oo ahayd markii ugu horeysay oo uu ka qeyb gala ciyaarahaas ayaa islamarkiiba waxaa uu ka muujiyey wacdaro asagoona iska difaacay ciyaaryahankaas kale oo ahaa nin waayo arag ah oo ka soo qeyb galay cuyaaro hore oo badan, Ismaaciil oo ay goobtaas ku weheliyeen taageerayaal badan oo u sacbinaayey ayaa mar qura ku guuleystey inuu isla wareegii koowaadba uu dhulka dhgo ninkii ka soo horjeeday taas oo keentay inuu garsoorihii ciyaartaas dhexdhexaadinaayey uu joojiyo ka dib markii uu ninkaas ka soo kici waayey feerkii lala helay.
  
Ugu dambeyntiina iyadoo Ismaaciil Tooxoow uu noqonaayo ninkii ugu horeeyey ee Soomaali ah inta la og yahay ee ka qayb qaato tartanada noocaas oo kale ah ayaa tababaraha iyo taageerayaashiisuba waxay rajo weyn ka muujiyeen inuu mustaqbalka noqon doon ninkaas mid guul badan ka soo hooyo tartamada noocaas ah iyadoona laga yaabo inuu ka mid noqdo xidigaha ugu caansan aduunka ee ciyaarahaas ka qeyb qaato sida ay saadaaliyeen dad badan oo ka mid ah dadka u dhuun dalool ciyaarahaas.
















_______________________________
Nagala Soo xariir emailka
newbanaadir@hotmail.com
www.newbanaadir.com
Share this article :
 
Support : Creating Website | Johny Template | Mas Template
Copyright © 2011. SHABAKADDA NEWBANAADIR - All Rights Reserved
Template Created by Creating Website Published by Mas Template
Proudly powered by Blogger
Script di bawah ini muncul di sebelah kanan blog